सांगलीत मोठी घडामोड, संभाजी भिडेंचे धारकरी निवडणुकीच्या रिंगणात; नेमकं काय ठरलं?

सांगली : सांगली महानगरपालिकेच्या आगामी निवडणुकीत राजकीय समीकरणे अधिक गुंतागुंतीची होताना दिसत आहेत. भाजपसह विविध पक्षांनी तयारी सुरू केली असतानाच आता शिवप्रतिष्ठान हिंदुस्थानही थेट निवडणुकीच्या रिंगणात उतरल्याने स्थानिक राजकारणात खळबळ उडाली आहे. शिवप्रतिष्ठान हिंदुस्थानचे संस्थापक संभाजी भिडे यांनी भाजपकडे धारकरी कार्यकर्त्यांसाठी उमेदवारीची मागणी केली होती. मात्र भाजपकडून केवळ एकाच जागेची ऑफर देण्यात आल्याने शिवप्रतिष्ठानमध्ये नाराजीचा सूर उमटू लागला आहे.