Sangli News: काळ आला होता, पण..., सांगलीच्या कृष्णा नदीत मगरीचा हल्ला, थेट डोकंच पकडलं, सुटकेचा थरार!

सांगलीवाडीतील लक्ष्मण जाधव हे नियमितपणे  20 ते  22 वषांपासून कृष्णा नदीत पोहतात. "बुधवारी सकाळी ते पहाटेच्या सुमारास घरातून बाहेर पडले. स्वामी समर्थ घाटासमोर सांगलीवाडीच्या बाजूने ते नदीपात्रात उतरून पोहत होते. सहाच्या सुमारास नदीपात्रात असलेल्या जाधव यांच्यावर मगरीने हल्ला चढवला, त्यांचे डोके जबड्यात पकडले. मगरीने हल्ला केल्याचे तत्काळ ओळखून जाधव यांनी क्षणाचाही विचार न करता जबड्यावर हाताने प्रहार सुरू केला. जोरदार प्रतिकार पाहून मगरीने जाधव जबड्यातून डोके सोडले. परंतु पुन्हा डावा खांदा पकडण्याचा प्रयत्न केला. परंतु, मगरीच्या जबड्यावर जोरदार ठोसा दिल्याने मगरीने माघार घेतली, असे जाधव यांनी सांगितले.