... तर माझा कुणी बालही बाका करू शकत नाही, एकनाथ शिंदे यांच्यासमोर संतोष बांगर यांनी थोपटले दंड

कावड यात्रेच्या समारोपादरम्यान उपमुख्यमंत्री एकनाथ शिंदे यांच्या उपस्थितीत मंचावरून भाषण करताना आमदार संतोष बांगर यांनी आपले दंड थोपटून बलदंड बाहू दाखवून 'शक्ती'प्रदर्शन करण्याचा प्रयत्न केला. बांगर यांच्या कृतीने एकनाथ शिंदे यांच्या चेहऱ्यावर हसू उमटले.

'लोक आम्हाला म्हणायचे की तुम्ही गद्दारी केली आता कसं होणार... परंतु ज्याच्या पाठीमागे एकनाथ शिंदे सारखा खंबीर नेता आहे त्याचा बालही बाका कोणी करू शकत नाही' असे उद्गार त्यांनी दंड थोपटून काढले आहेत.

एकनाथ शिंदे यांनी ठाकरेंचा पक्ष सोडल्यानंतर आधी त्यांच्यावर टीका करून नंतर बांगर शिंदेसेनेत दाखल झाले. शिवसेनेत फूट पडण्याच्या काळात ठाकरे यांच्या पक्षात असताना अत्यंत भावुक होऊन कार्यकर्त्यांना मार्गदर्शन करताना संतोष बांगर ढसाढसा रडले होते. शिवसेनेतील बंडाळीच्या काळात निष्ठावंत म्हणून मिरवून घेतल्यानंतर आणि एकनाथ शिंदे यांच्यावर सडकून टीका केल्यानंतर त्यांनी मध्यरात्री एकनाथ शिंदे यांना फोन करून पक्षात येण्याची विनंती केली.

संतोष बांगर हे शिवसेना शिंदे गटाचे आमदार आहेत

संतोष बांगर हे वादग्रस्त वक्तव्यांमुळे नेहमी चर्चेत असतात

याधीही त्यांनी अशाच प्रकारे दंड थोपटले होते

एकनाथ शिंदे यांनी ठाकरेंचा पक्ष सोडल्यानंतर आधी त्यांच्यावर टीका करून नंतर बांगर शिंदेसेनेत दाखल झाले.