Satara ZP Election: साताऱ्यात ZP अध्यक्ष निवडीवेळी राडा, शंभूराज देसाईंना धक्काबुक्की, ZP सदस्य पोलिसांच्या ताब्यात, भाजपवर शिंदे गट संतापला

सातारा: गेल्या महिनाभरापासून सातारा जिल्ह्याच्या राजकारणात सुरू असलेल्या हाय-व्होल्टेज ड्रामाचा अखेर भाजपच्या विजयाने थरारक शेवट झाला. मात्र, जिल्हा परिषद अध्यक्ष-उपाध्यक्षपदाच्या निवडणुकीत झालेल्या राड्यानं महायुतीमध्येच वादाची ठिणगी पडू लागली आहे. शिंदे गटाचे नेते, राज्याचे मंत्री शंभूराज देसाई यांना धक्काबुक्की घडल्याचा प्रकार घडला. इतकंच नाही तर शिंदे गटाच्या दोन सदस्यांना पोलिसांनी ताब्यात घेतलं. त्याचा परिणाम मतदानावर झाला. या सगळ्या प्रकारावर शिवसेना शिंदे गटात संताप व्यक्त केला जात आहे.