बांबू लागवडीसाठी मिळणार 7 लाखांचे अनुदान, विक्रीसाठी मार्केटही उपलब्ध होणार, नेमका कुठे अर्ज करावा?

हेक्टरी सरासरी 1111 बांबू रोपांची लागवड करावी लागणार आहे. 3 वर्षात शेतकऱ्यांना 7 लाख रुपयांचे अनुदान देण्यात येणार आहे. पहिल्या वर्षी 2.76 लाख रुपये, दुसऱ्या वर्षी 1.56 लाख रुपये आणि तिसऱ्या वर्षी उर्वरित रक्कम अनुदान देण्यात येणार आहे. बांबू लागवडीसाठी शासन शेतकऱ्यांना चांगले अनुदान देत आहे. पण जमिनी अथवा शेत बांधावर देखील शेतकरी बांबू लागवड करून आर्थिक उत्पन्न मिळवू शकतो. या योजनेच्या माध्यमातून शेतकऱ्याची पडीक जमीन सुद्धा लागवडीखाली येत आहे. शिवाय शेतकऱ्यांचा आर्थिक फायदाही होणार आहे. या सर्व प्रकारच्या योजनांचा लाभ घेण्यासाठी आपल्याला कृषी सहाय्यक, कृषी पर्यवेक्षक मंडळ, कृषी अधिकारी किंवा तालुका कृषी अधिकारी यांच्या कार्यालयामध्ये संपर्क करावा.