मित्रांच्या मदतीने पापड उद्योग सुरू, सुरुवातीला तोटा, पण पुन्हा उभारी, आज 180 महिलांना मिळतोय रोजगार

धाराशिव : व्यवसाय करण्याचे ठरवल्यावर अनेकदा व्यवसायात अडचणी येतात. काही जणांना तोटा होतो. त्यामुळे मनात नकारात्मकता येते. मात्र, त्यातूनही काही जण मार्ग काढतात आणि आपला व्यवसाय यशस्वी करुन दाखवतात. आज अशाच एका व्यक्तीची कहाणी आपण जाणून घेणार आहोत. या व्यक्तीने पापड व्यवसायासाठी मित्रांकडून उसने पैसे घेऊन केली तीन लाख रुपयांची गुंतवणूक केली. आता ते महिन्यासाठी 8 ते 10 लाख रुपयांची उलाढाल करत आहेत.

धाराशिव जिल्ह्यातील परंडा शहरातील झुल्फिकार काझी यांनी 2021 मध्ये पापड व्यवसायाला सुरुवात केली. त्यासाठी त्यांनी सुरुवातीला 3 लाख रुपयांची गुंतवणूक केली. हे 3 लाख रुपये जमवण्यासाठी त्यांना मित्रांनी मदत केली आणि पापड उद्योग त्यांनी सुरू केला.

एकेकाळी मित्रांकडून उसने पैसे घेऊन सुरू केलेला व्यवसाय डळमळीत झाला होता. मात्र, पुन्हा उभारी घेऊन काझी यांनी तो व्यवसाय स्थिरस्थावर केला आहे. आता त्यांना महिन्याकाठी 8 ते 10 लाख रुपयांची उलाढाल होत आहे. यातून त्यांना चांगले आर्थिक उत्पन्न मिळते आहे, अशी माहिती झुल्फिकार काझी यांनी लोकल18 बोलताना दिली.