Satara Crime : पोराला बैलगाडा शर्यतीचा नाद! शुल्लक कारण अन् बापावर तलवारीने वार, साताऱ्यात खळबळ
- Published by:Saurabh Talekar
Last Updated:
Son attack on father In Satara : बैलगाडा शर्यतील बैलामुळे साताऱ्यात एका मुलाने स्वत:च्या बापावर तलावारीने वार केल्याची घटना घडली आहे.
Satara Crime News : मातीच्या धुळीत मिसळलेला श्वास.. शर्यतीचा नाद, तो जिगरबाज ध्यास... या ओळी तुमच्याही कानावर नेहमी पडल्या असतील. अशातच आता सातऱ्यात एका तरुणाला बैलगाडा शर्यतीचा इतकं वेड लागलं की, त्यासाठी तरुणाने जन्मदात्या बापाला देखील सोडलं नाही. पोटच्या पोराने बापावर तलवारीने हल्ला केल्याची धक्कादायक घटना समोर आली आहे. मुलाने वडिलांच्या डोक्यात दगड मारून त्यांच्यावर तलवारीने वार केल्याची घटना साताऱ्यातील कराडमधील हजारमाची येथे घडली आहे. बापलेका मधील जीवघेण्या भांडणांच कारण ठरला शर्यतीचा बैल... त्यामुळे बैलगाडा शर्यतीचा नाद चांगलाच महागात पडला आहे.
नेमका वाद का झाला?
मुलाने केलेल्या तलवार हल्ल्यात वडील संजय शिंदे हे जखमी झाले असून त्यांनी कराड शहर पोलीस ठाण्यात फिर्याद दिली आहे. त्यानंतर या प्रकरणात अवघा 24 वर्षाचा मुलगा आकाश संजय शिंदे याच्यावर गुन्हा दाखल करून त्याला पोलिसांनी ताब्यात घेतलं आहे. पण नक्की हा हल्ला झाला तरी का? नेमका वाद का झाला? जाणून घ्या.
advertisement
"बैल व्यवस्थित सांभाळता येत नाही"
वयाच्या 24 व्या वर्षी मुलगा आकाश शिंदे याने शर्यतीचा बैल खरेदी केला होता. आकाशच्या शर्यतीच्या बैलांवर लय जीव... वडिलांना त्याने बैल सांभाळायची जबाबदारी दिली. पण वडिलांनी बैलाला नीट सांभाळला नाही, असा आरोप त्याने केला. याच मुद्द्यावरून दोघांमध्ये वाद पेटला. शर्यतीचा बैल व्यवस्थित सांभाळता येत नाही, असं म्हणून वडील संजय शिंदे यांच्या डोक्यात दगड मारून त्यांना जखमी केलं. तो एवढ्यावरच थांबला नाही. थेट घरात गेला अन् तलवार आणली.
advertisement
बापाच्या अंगावर धावून गेला अन्...
तलवार घेऊन आला अन् बापाच्या अंगावर धावून गेला. त्यावेळी त्याने गळ्यावर वार करण्याचा प्रयत्न केला. पण गळ्यावर केलेला वार चुकला अन् वार कानावर बसला. यामध्ये ते जखमी झाले. त्यानंतर आसपासच्या लोकांनी तातडीने संजय शिंदे यांना दवाखान्यात नेलं. मात्र, पोटच्या मुलाने असं कृत्य केल्याने आता अनेकांच्या भुवया उंचावल्या आहेत.
Location :
Satara,Maharashtra
First Published :
July 08, 2025 2:30 PM IST
मराठी बातम्या/महाराष्ट्र/सातारा/
Satara Crime : पोराला बैलगाडा शर्यतीचा नाद! शुल्लक कारण अन् बापावर तलवारीने वार, साताऱ्यात खळबळ
