पश्चिम महाराष्ट्रातून कोकणात जाणारा महत्त्वाचा महामार्ग 2 महिने बंद, कारण काय? पर्यायी मार्ग कोणते?

सातारा: पश्चिम महाराष्ट्रातून कोकणात उतरणारा महत्त्वाचा महामार्ग दोन महिने बंद राहणार आहे. पाटण शहरातील बहुचर्चित धांडे पुलाच्या पुनर्बांधणीसह रस्ता रुंदीकरणाचे काम हाती घेण्यात आले आहे. त्यामुळे कराड-चिपळूण महामार्गावरील वाहतूक आजपासून बंद करण्यात आली आहे. त्यामुळे कोकणातून घाटमाथ्याकडे येणाऱ्या मासळी, फळे, तसेच इतर मालाच्या पुरवठ्यावर परिणाम होण्याची शक्यता आहे.