गाढव स्रीशी करतोय संभोग, साताऱ्यात सापडला अजब चित्र असलेला दगड

सातारा : सातारा जिल्ह्यातील वाईला प्राचीन इतिहास लाभलेला आहे. त्यात नव्याने उजेडात येत असलेले वाई परिसरातील संशोधन यामुळे वाईच्या इतिहासात नवनवीन अज्ञात असलेली पाने जोडली जात आहेत. त्यात अजून एक पान जोडले गेले. रविवार पेठेतील परटाचा पार येथे 13 व्या शतकातले गद्धेगळ आढळून आले आहे. इतिहासात या गद्धेगळचा नेमका अर्थ काय? याबद्दच साताऱ्यातील इतिहास संशोधक सौरभ जाधव यांनी माहिती दिली आहे.

वाईला ऐतिहासिक वारसा स्कंदपुराणांतर्गत कृष्ण माहात्म्यात वाईचा उल्लेख वेराजक्षेत्र असा आढळतो. विराटनगर म्हणूनदेखील वाईला ओळखले जाते. किवरा ओढा काठी मिळालेले क्षुद्राष्म हत्यारे, वरवंटा, पाटा, खापरे हे निवडक अवशेष प्राचीन वस्तीच्या खुणा दर्शवते. किवरा ओढा म्हणजे आताचे रविवार पेठ येथील पूर्व बाजू. यावरून जुनी वाई ही आताचे रविवार पेठ. दुसरे म्हणजे वाई परिसरातील किल्ले आणि मंदिरे. किल्ले हे शिलाहार राजा भोज दुसरा याने बांधलेले आहेत, असं सौरभ जाधव सांगतात.