सतेज पाटलांचा संताप, आज शाहू महाराजांनी पत्रक काढलं, 'अपमाना'वरून विरोधकांना ऐकवलं

कोल्हापूर : कोल्हापूर उत्तर विधानसभा मतदारसंघाच्या काँग्रेसच्या अधिकृत उमेदवार मधुरीमाराजे छत्रपती यांनी ऐनवेळी माघार घेतल्याने संतापलेल्या सतेज पाटील यांचे आक्रमक रुप कोल्हापूरसह राज्याला बघायला मिळाले. दम नव्हता तर विधानसभेची उमेदवारी घ्यायची नव्हती, अशा शब्दात त्यांनी मधुरीमाराजेंच्या कार्यकर्त्यांना ऐकवले. बालेकिल्ल्यात काँग्रेसची शोभा झाल्यानंतर सतेज पाटील कमालीचे भावुक झाले. कार्यकर्त्यांसमोर बोलताना त्यांच्या डोळ्यातून अश्रू वाहिले. सतेज पाटील यांनी छत्रपती घराण्याविरोधात अनुद्गार काढल्याची टीका विरोधकांनी केली. त्यांच्या टीकेला शाहू महाराज छत्रपती यांनी पत्रक काढून प्रत्युत्तर दिले आहे.