Pune Ganeshotsav: याची देही याची डोळा, बघा जलमय द्वारका! शनिपार मंडळाचा भव्य देखावा ठरतोय आकर्षण

पुणे: सध्या राज्यासह पुण्यातही गणेशोत्सवाची धामधूम सुरू आहे. तेजस्वी गणेश मूर्ती आणि भव्य दिव्य देखावे, हे पुण्यातील गणेशोत्सवाचं वैशिष्ट्य आहे. शहरात दरवर्षी गणेशोत्सवाच्या काळात गणेश मंडळाकडून सामाजिक, पारंपरिक आणि धार्मिक देखावे साकारले जातात. यंदा पुण्यातील शनिपार गणेश मंडळाकडून 'जलमय द्वारके'चा भव्य धार्मिक देखावा साकारण्यात आला आहे. हा देखावा पाहण्यासाठी नागरिक मोठ्या प्रमाणात गर्दी करत आहेत. लोकल 18 शी बोलताना मंडळाच्या कार्यकर्त्यांनी याबाबत अधिक माहिती दिली.