मराठी आई मेली तरी चालेल पण उत्तर भारतीय मावशी जगली पाहिजे, शिंदेंच्या आमदाराचं वादग्रस्त वक्तव्य

मुंबई : मुंबई महापालिका निवडणूक तोंडावर आलेली असताना उत्तर भारतीयांची कड घेण्याच्या नादात एकनाथ शिंदे यांच्या नेतृत्वाखालील शिवसेना पक्षाचे मागाठाण्याचे आमदार प्रकाश सुर्वे यांनी खुद्द मायमराठीच्या मरणाची इच्छा व्यक्त केली. मराठी आई मेली तरी चालेल पण उत्तर भारतीय मावशी जगली पाहिजे. कारण ती जास्त प्रेम करते, असे संवेदनाहीन विधान प्रकाश सुर्वे यांनी केले आहे. विरोधी पक्षांनी प्रकाश सुर्वे यांच्या वक्तव्यावर टीकेची झोड उठवली आहे. प्रकाश सुर्वे यांचे वक्तव्य हा प्रत्येक मराठी माणसाचा आणि मराठी भाषेचा अपमान असल्याचे विरोधक म्हणाले.