Maharashtra Elections Uddhav Thackeray : पहिल्याच प्रचारसभेत उद्धव यांचा मास्टरस्ट्रोक, पाच मोठ्या घोषणा, जाणून घ्या ठळक मुद्दे

कोल्हापूर :  दिवाळीनंतर आता विधानसभा निवडणुकीची रणधुमाळी सुरू झाली आहे. आजारपणानंतर शिवसेना ठाकरे गटाचे पक्ष प्रमुख उद्धव ठाकरे यांनी आजपासून आपल्या प्रचारसभांना सुरुवात केली आहे. कोल्हापूर जिल्ह्यातील राधानगरी मतदारसंघातून महाविकास आघाडीचे नेते आणि शिवसेना ठाकरे गटाचे उमेदवार के.पी. पाटील यांच्या प्रचारसभेत बोलताना उद्धव ठाकरे यांनी जोरदार फटकेबाजी केली. उद्धव यांनी यावेळी आश्वासनांचा वर्षाव केला. महायुती सरकारवर उद्धव यांनी जोरदार हल्लाबोल केला. खोके सरकारला आता भस्म करण्याची वेळ आली आहे. निवडणूक आली म्हणून लाडकी बहीण आठवली असल्याचे टोलाही त्यांनी लगावला. महाविकास आघाडीचे सरकार आल्यानंतर मुलींप्रमाणे मुलांनाही मोफत शिक्षण देणार असल्याचे त्यांनी म्हटले.