Solapur Crime : बार्शीत इंजिनिअरिंगच्या 20 वर्षाच्या विद्यार्थिनीने संपवलं आयुष्य, हॉस्टेलचा दरवाजा आतून बंद, पण खिडकी उघडताच...
- Published by:Saurabh Talekar
Last Updated:
Solapur Barshi Crime : अंकिताची आई तिला फोन करत होती, मात्र फोन उचलला जात नसल्याने त्यांनी कॉलेज प्रशासनाशी संपर्क साधला. त्यानंतर हा सर्व धक्कादायक प्रकार समोर आला.
Solapur Barshi Crime News : बार्शी तालुक्यातील जामगाव येथील एका नामांकित इंजिनिअरिंग कॉलेजमध्ये शनिवारी सकाळी एक अत्यंत हृदयद्रावक घटना समोर आली आहे. एम.आय.टी. रेल्वे इंजिनिअरिंग कॉलेजच्या हॉस्टेलमध्ये 20 वर्षीय विद्यार्थिनीने गळफास घेऊन आपली जीवनयात्रा संपवली. अंकिता शिवाजी शिंदे असं मृत मुलीचे नाव असून, ती लातूर जिल्ह्यातील निलंगा तालुक्यातील रहिवासी होती. शनिवारी सकाळी 8:30 च्या सुमारास ही घटना उघडकीस आल्याने परिसरात मोठी खळबळ उडाली आहे.
अंकिताची आई तिला फोन करत होती...
अंकिताने हे टोकाचं पाऊल का उचललं, याचं कारण अद्याप समजू शकलं नाही. या प्रकरणी कॉलेजच्या महिला सुरक्षा रक्षक अनिता साखरे यांनी बार्शी तालुका पोलिसांना सविस्तर माहिती दिली आहे. अंकिताची आई तिला फोन करत होती, मात्र फोन उचलला जात नसल्याने त्यांनी कॉलेज प्रशासनाशी संपर्क साधला. त्यानंतर हा सर्व धक्कादायक प्रकार समोर आला असून पोलीस आता आत्महत्येच्या कारणांचा शोध घेत आहेत.
advertisement
रूमचा दरवाजा आतून बंद
घटनेच्या वेळी अंकिताच्या रूमचा दरवाजा आतून बंद होता आणि खिडकीला पडदे लावलेले होते. सुरक्षा रक्षकांनी अनेकदा दरवाजा वाजवूनही आतून कोणताही प्रतिसाद मिळाला नाही. अखेर संशय बळावल्याने खिडकीचं लॉक तोडून आत पाहिले असता, अंकिता सिलिंग फॅनला दोरीच्या साहाय्याने लटकलेल्या अवस्थेत आढळून आली. या घटनेची माहिती मिळताच कॉलेज प्रशासनासह विद्यार्थ्यांमध्ये चिंतेचे वातावरण निर्माण झाले.
advertisement
सुसाईड नोट मिळाली नाही...
पोलिसांनी दिलेल्या प्राथमिक माहितीनुसार, ही घटना 24 जानेवारी रोजी रात्री 12 ते सकाळी 8 च्या दरम्यान घडली असावी. अंकिताच्या रूममध्ये कोणतीही सुसाईड नोट सापडली आहे की नाही, याबाबत अद्याप स्पष्टता झालेली नाही. बार्शी तालुका पोलिसांनी या घटनेची नोंद आकस्मिक मृत्यू म्हणून केली असून मृतदेह शवविच्छेदनासाठी शासकीय रुग्णालयात पाठवण्यात आला आहे.
advertisement
अंकिताच्या मोबाईलचे कॉल डिटेल्स
दरम्यान, तपास अधिकारी आता अंकिताच्या मोबाईलचे कॉल डिटेल्स तपासून पाहत आहेत. घटनेपूर्वी तिचे कोणाशी बोलणे झाले होते किंवा ती मानसिक तणावात होती का, या दिशेने तपास सुरू करण्यात आला आहे. ऐन तरुण वयात उच्च शिक्षण घेत असलेल्या मुलीने अशा प्रकारे आयुष्य संपवल्यामुळे तिच्या मूळ गावी आणि कॉलेज परिसरात हळहळ व्यक्त केली जात आहे.
Location :
Solapur,Maharashtra
First Published :
Jan 25, 2026 8:15 AM IST
मराठी बातम्या/महाराष्ट्र/सोलापूर/
Solapur Crime : बार्शीत इंजिनिअरिंगच्या 20 वर्षाच्या विद्यार्थिनीने संपवलं आयुष्य, हॉस्टेलचा दरवाजा आतून बंद, पण खिडकी उघडताच...
