Guinness World Record : सोलापूरच्या आदित्याचा जगात बोलबाला, अनोख्या स्पर्धेत केला गिनीज वर्ल्ड रेकॉर्ड

सोलापूर : सोलापूरच्या आदित्य कोडमूर गिनीज वर्ल्ड रिकोर्ड केला आहे. 'एक तासात जास्तीत जास्त पत्ते कलिंगडात रुततील, अशाप्रकारे फेकून मारण्याचा' विश्वविक्रम करत त्याने गिनीज वर्ल्ड रेकॉर्ड केला आहे. यापूर्वी हा रिकोर्ड चीनच्या व्यक्तीच्या नावावर होता.

आदित्य कोडमूर (रा. अशोक चौक, सोलापूर) असे या तरुणाचे नाव आहे. तो फक्त 19 वर्षांचा आहे. या तरुणाने सर्वाधिक म्हणजे एका मिनिटात 18 कार्ड कलिंगडमध्ये रुततील, असे मारून जागतिक विश्वविक्रम केला आहे. कार्डच्या या जादूगाराकडून सोलापूरकरांच्या अपेक्षा उंचावल्या आहेत. आदित्यने या आधीच तीन वेळा गिनीज वर्ल्ड रेकॉर्ड मोडला आहे. त्याने इंडियाज गॉट टॅलेंटमध्ये विश्वविक्रम केला असून आता अमेरिका गॉट टॅलेंट, एशिया गॉट टॅलेंटमध्ये सुध्दा विश्वविक्रम केला, अशी माहिती त्याने लोकल18 शी बोलताना दिली.

एका मिनिटात 18 कार्ड कलिंगडात रुततील असे फेकून मारण्याच्या गिनीज वर्ल्ड रेकॉर्ड चीनच्या व्यक्तीवर होता. हा रेकॉर्ड आदित्य कोडनूर यांनी तोडला आहे. एका मिनिटात 18 पत्ते मारून आदित्यने जागतिक विश्वविक्रम करत चीनचा रेकोर्ड मोडीत काढला आहे. यानिमित्ताने भारताच्या शिरपेचात मानाचा तुरा रोवला आहे. पत्त्यांसोबत काहीतरी वेगळे करण्याच्या प्रयत्नात आदित्यने हे अनोखे कौशल्य प्रचंड सराव आणि निष्ठेने विकसित केले आहे. भविष्यात जागतिक विश्वविक्रम प्रस्थापित करण्याचा प्रयत्न करणार असल्याचा विश्वास आदित्यने व्यक्त केला आहे.