Guinness World Record : सोलापूरच्या आदित्याचा जगात बोलबाला, अनोख्या स्पर्धेत केला गिनीज वर्ल्ड रेकॉर्ड

एका मिनिटात 18 कार्ड कलिंगडात रुततील असे फेकून मारण्याच्या गिनीज वर्ल्ड रेकॉर्ड चीनच्या व्यक्तीवर होता. हा रेकॉर्ड आदित्य कोडनूर यांनी तोडला आहे. एका मिनिटात 18 पत्ते मारून आदित्यने जागतिक विश्वविक्रम करत चीनचा रेकोर्ड मोडीत काढला आहे. यानिमित्ताने भारताच्या शिरपेचात मानाचा तुरा रोवला आहे. पत्त्यांसोबत काहीतरी वेगळे करण्याच्या प्रयत्नात आदित्यने हे अनोखे कौशल्य प्रचंड सराव आणि निष्ठेने विकसित केले आहे. भविष्यात जागतिक विश्वविक्रम प्रस्थापित करण्याचा प्रयत्न करणार असल्याचा विश्वास आदित्यने व्यक्त केला आहे.