लेका धैर्याला सलाम! वडिलांचा मृतदेह घरात असताना दिला दहावीचा पेपर, नियतीनेही घेतली त्याची परीक्षा

आदेश ठाणेश्वर कटरेच्या घरी अठरा विश्व दारिद्र्य आहे. अत्यंत हलाखीच्या परिस्थितीत आदेश सध्या शिक्षण घेत आहे. त्यात कुटुंबावर दुःखाचा डोंगर कोसळला. तरीही आदेशने काळजावर दगड ठेवून सकाळी 11 वाजता दहावीच्या पेपरला हजर राहिला आणि एका तासात पेपर देऊन घरी परतला.  एकीकडे पेपर देण्यास टाळाटाळ करणारे विद्यार्थी आहेत, पेपर अवघड गेला अशी कारणे देणारी आहेत, अभ्यास नाही झाला तर जीवाचं बर वाईट करणारे विद्यार्थी आहेत, तर दुसरीकडे वडिलांचं पार्थिव घरी सोडून परीक्षा द्यायला येणारा आदेश आहे. आपल्या गावातील मुलाच्या वडिलांचे निधन झाले आहे, त्याचे वर्ष वाया जाऊ नये, म्हणून आदेशच्या परीक्षा केंद्रावर गावकरी त्याच्यासोबत गेले.त्याला धीर देऊन पेपर देण्यासाठी प्रोत्साहन दिले. वडिलांचे निधन झाल्यानंतरही आयुष्यात न थांबता आदेश दहावीचा पेपर देऊन आपल्या सर्वांसमोर एक आदर्श निर्माण केला आहे