Shahad Bridge: कल्याण-नगर मार्गावरील एसटी प्रवास महागला! नेमकं कारण काय?

कल्याण: कल्याण-मुरबाड-अहिल्यानगर मार्गावरील वाहतुकीत शहाड येथील पुल फार महत्त्वाचा आहे. या पुलाच्या दुरुस्तीचं काम हाती घेतल्याने तो काही दिवस बंद असणार आहे. त्यामुळे अनेकांची गैरसोय होणार आहे. एसटी सेवेला याचा सगळ्यात जास्त फटका बसणार आहे. कल्याणहून मुरबाड, अहिल्यानगरला जाणाऱ्या एसटीला लांबचा हेलपाटा मारावा लागणार आहे. प्रवासाचं अंतर जवळपास 12 किलोमीटरने वाढणार आहे. प्रवाशांना तिकिटासाठीही जास्त पैसे मोजावे लागणार आहेत. त्यामुळे अत्यावश्यक सेवेत एसटीला पुलाचा वापर करू देण्याची मागणी होत आहे.