ZP Teacher: हे फक्त झेडपी शाळेतच घडू शकतं, सरांसाठी पोरं ढसाढसा रडली, Video पाहून तुमच्याही डोळ्यात येईल पाणी!

मालेगाव खालसा गावच्या जिल्हा परिषद शाळेतील शिक्षक संतोष नागवडे आणि मुख्याध्यापक कुलकर्णी सर यांची बदली झाली. या दोन शिक्षकांच्या बदलीने विद्यार्थी आणि पालकांमध्ये नाराजी पसरली असून त्यांनी या बदलीला विरोध केला आहे. मानेगाव येथील जिल्हा परिषद शाळेतील विद्यार्थी संख्या केवळ 37 वरून तब्बल 152 पर्यंत पोहोचवण्याचं श्रेय संतोष नागवडे आणि मुख्याध्यापक कुलकर्णी यांना जातं. शाळेतील विद्यार्थी इस्रोच्या सहलीसाठी पात्र ठरावेत आणि नवोदय सारख्या परीक्षेमध्ये उत्तीर्ण व्हावेत, यासाठी या दोन शिक्षकांनी फार प्रयत्न केलेले आहेत. शैक्षणिक उपक्रम आणि गुणवत्ता पूर्ण शिक्षण यामुळे या शिक्षकांची परिसरात ओळख निर्माण झाली होती.