Sunetra Pawar: राष्ट्रवादीच्या गटातून मोठी बातमी, सुनेत्रा पवारांनी घेतली पटेल-तटकरेंची नवी दिल्लीत भेट, बैठकीमुळे नवी चर्चा

पण, त्याआधी गुरुवारी सकाळी सुनेत्रा पवार संसद भवनात दाखल झाल्या होत्या. पण या वेळी ना त्यांच्यासोबत प्रफुल्ल पटेल होते ना प्रदेशाध्यक्ष सुनिल तटकरे पाहायला मिळाले. खरं तर गेल्यावेळी सुनेत्रा पवारांच्या दौऱ्यावेळी हे दोन्ही नेते आवर्जून हजर होते. पण या वेळी मात्र पटेल-तटकरेंनी दांडी मारल्यामुळे अनेकांच्या भुवया उंचावल्या.  प्रफुल्ल पटेलांच्या अनुपस्थितीबाबत पत्रकारांनी सुनेत्रा पवारांना विचारलं असता तुम्हालाच माहिती असेल, 'ते कधी येतात आणि कधी जातात. मला त्यांच्याबद्दल काहीच माहिती नाही', असं म्हणत त्यांनी थेट उत्तर देणं टाळलंय. मात्र यावरून सुनेत्रा पवार तटकरे आणि पटेलांवर नाराज असल्याच्या चर्चांना उधाण आलं.