सुनील तटकरे आणि सुनेत्रा पवारांच्या विश्वासू आमदारामध्ये खडाजंगी, नेमका वाद काय झाला?

प्रणाली कापसे, प्रतिनिधी, मुंबई : सुनेत्रा पवार यांच्या नेतृत्वाखालील राष्ट्रवादी काँग्रेसच्या वरिष्ठ नेत्यांमध्ये सध्या सुंदोपसुंदी सुरू आहे. राष्ट्रवादीचे कार्याध्यक्ष ज्येष्ठ नेते प्रफुल पटेल आणि खासदार सुनील तटकरे यांना पक्षात एकटे पाडल्याचे चित्र निर्माण झाले आहे. सुनेत्रा पवार यांनी निवडणूक आयोगाला लिहिलेल्या पत्रावरून पक्षात सगळे काही आलबेल नसल्याचे समोर आले आहे. त्याच पत्रात तटकरे आणि पटेल यांचे पदनाम नसल्याने त्यांना पदच्युत केले गेले काय? अशा चर्चाही रंगल्या. त्यामुळे राष्ट्रवादीतल्या संघर्षाची पूर्ण राज्यभर चर्चा झाली. आपल्या अस्तित्वावरच विषय आल्याने प्रदेशाध्यक्ष सुनील तटकरे यांनी पक्षाचे कोषाध्यक्ष शिवाजीराव गर्जे यांना झापल्याचे पक्षातील विश्वासनीय सूत्रांनी सांगितले.