Rajya Sabha: सुप्रिया सुळे-जयंत पाटील ठाकरेंच्या भेटीसाठी मातोश्रीवर, शरद पवारच राज्यसभेवर? शेवटच्या क्षणापर्यंत सस्पेन्स

उदय जाधव, प्रतिनिधी, मुंबई : राज्यसभा निवडणुकीचा अर्ज भरण्यासाठी केवळ दोन दिवस शिल्लक राहिलेले असतानाही महाविकास आघाडीकडून उमेदवार कोण असणार हे अद्याप निश्चित झालेले नाही. शिवसेना आणि राष्ट्रवादी काँग्रेस पक्ष राज्यसभेच्या एका जागेकरिता दावा सांगत असताना शरद पवार यांचे नाव उमेदवारीसाठी पुढे येत आहे. अशावेळी काँग्रेसने मात्र 'वेट अँड वॉच'ची भूमिका घेतली आहे. याच सगळ्या पार्श्वभूमीवर राष्ट्रवादीच्या खासदार सुप्रिया सुळे आणि ज्येष्ठ नेते जयंत पाटील यांनी मातोश्रीवर जाऊन शिवसेना पक्षप्रमुख उद्धव ठाकरे यांची भेट घेतली.