Latur: पायावर वळ येईपर्यंत 30 विद्यार्थ्यांना बेदम मारलं, शिक्षकाच्या कृत्याने लातूर हादरलं

शनिवारी रात्री शिक्षक उज्ज्वल सोनी याने शिकवणी वर्गातून विद्यार्थी वसतिगृहाकडे जात असताना त्यांना हटकलं. कारण त्यांची मोटारसायकल सुरू होत नव्हती. यावेळी नंबर प्लेट वाकलेली दिसल्याने त्यांनी विद्यार्थ्यांना ‘हे कोणी केलं?’ असा प्रश्न विचारला. कोणीही उत्तर दिले नाही, त्यामुळे रागाच्या भरात त्यांनी विद्यार्थ्यांना काठीने मारहाण केल्याचे विद्यार्थ्यांनी शाळा प्रशासनाला सांगितलं आहे. तसंच याप्रकरणी संबंधित शिक्षकाची सेवा तत्काळ समाप्त केली. त्यानंतर पोलिसांना बोलावून त्यांना त्यांच्या ताब्यात दिले असल्याचे मुख्याध्यापिका नादेर यांनी स्पष्ट केलं आहे.