खाटू श्यामच्या दर्शनापूर्वीच भीषण अपघात; तवेरा गाडीचा चक्काचूर, नागपूरच्या कुटुंबावर शोककळा

नागपूर : धार्मिक यात्रेसाठी निघालेल्या एका कुटुंबाच्या प्रवासाचा असा शेवट होईल, याची पुसटशी कल्पनाही कुणी केली नव्हती. राजस्थानमधील प्रसिद्ध खाटू श्याम बाबांच्या दर्शनासाठी गेलेल्या कामठी येथील पारसे कुटुंबावर काळाने भीषण घाला घातला आहे. सालासर रोडवर झालेल्या एका भीषण अपघातात एकाच कुटुंबातील आई, वडील आणि तरुण मुलाचा जागीच मृत्यू झाला. या घटनेमुळे कामठीसह संपूर्ण नागपूर जिल्ह्यावर शोककळा पसरली असून परिसरात हळहळ व्यक्त केली जात आहे.