Shiv Sena UBT MNS Election Manifesto: मुंबईकरांना मोफत औषधं आणि गल्लीबोळात 'बाईक ॲम्बुलन्स'! ठाकरेंच्या वचननाम्यात आरोग्यासाठी १० मोठ्या घोषणा

मुंबई : मुंबई महापालिका निवडणुकीसाठी शिवसेना ठाकरे गट, महाराष्ट्र नवनिर्माण सेना आणि राष्ट्रवादी शरद पवार गटाचा संयुक्त जाहीरनामा आज प्रकाशित करण्यात आला. 'शिवशक्तीचा वचननामा, ठाकरेंचा शब्द' अशी टॅगलाईन या जाहीरनाम्यासाठी घेण्यात आली. युतीच्या जाहीरनाम्यात मुंबईकरांसाठीच्या विविध कळीच्या मुद्यांवर भाष्य करण्यात आले आहेत. मुंबईकरांना आरोग्याबाबत मोठी आश्वासने देण्यात आली आहेत. मुंबईतील गल्लीबोळात तातडीने उपचार देण्यासाठी बाईक अॅम्बुलन्सचे आश्वासन देण्यात आले आहे. त्याशिवाय कॅन्सर सारख्या दुर्धर आजाराच्या उपचारासाठी सुपरस्पेशालिटी रुग्णालय उभारण्याचे आश्वासन या जाहीरनाम्यात देण्यात आले आहे.