Thane News : चितळसरमधील अर्जदारांना अखेर म्हाडाकडून दिलासा, घराच्या किंमतीत केली कपात; वाचा सविस्तर

म्हाडाच्या उपाध्यक्षांनी घराच्या किंमती कमी केल्यानंतर म्हाडाच्या घराच्या किंमती 51 ते 52 लाख रूपयांच्या ऐवजी 36 लाख रूपये किंमत आकारली जाणार आहे. उपाध्यक्षांच्या निर्णयामुळे सर्वच अर्जदारांना मोठा दिलासा मिळाला. कोकण मंडळाने चितळसर मानपाडा येथील 185 भूखंडांच्या विक्रीची प्रक्रिया 2000 वर्षी सुरु केली. यासाठी 185 अर्जदारांनी म्हाडाकडे 10 हजार रुपये भरले होते. तर हे भूखंड या अर्जदारांना 62, 500 ते 1 लाख 87 हजार 500 रुपयामध्ये वितरीत करण्यात येणार होते. मात्र काही तांत्रिक कारणामुळे, ठाणे महानगर पालिकेने या भूखंडावर आरक्षण टाकल्याने प्रकल्प रखडला आणि भूखंड विक्रीही रखडली. त्यामुळे २५ वर्षे झाले तरी या अर्जदारांना भूखंड मिळाला नव्हता.

2006 मध्ये, सर्व समस्यांचे निराकरण करत कोकण मंडळाच्या त्याच भूखंडावर बहुमजली इमारत बांधायला सुरूवात केली. तेव्हापासून सुरू झालेलं इमारतीचं काम आता कुठे पूर्ण झालं आहे. फार मोठ्या प्रमाणावर असलेल्या घरांमध्ये त्या 156 अर्जदारांचे घरं राखीव ठेवण्यात आले आहेत. तर उर्वरित घरांना चालू सोडतीमध्ये विकले जात आहेत. म्हडाच्या या गृहयोजनेत 185 पैकी 29 अर्जदार उच्च गटातील असल्याने त्यांना योजनेतून बाद करण्यात आले. तर त्यापैकी 156 अर्जदारांना घरं देण्याचा निर्णय घेतला आहे.