dharmveer 2 : 'कोणाला आवडो न आवडो, धर्मवीरच्या दुसऱ्या भागात मी..' प्रदर्शनाआधीच शिंदेंकडून ट्रेलर, म्हणाले..

मुख्यमंत्री म्हणाले, की धर्मवीर मुक्काम पोस्ट हिंदूस्तान असं आहे. कारण, त्यांचे संपुर्ण देशभर भ्रमण होते. विविध क्षेत्रातील पंथातील धर्मातील लोकं त्यांच्या सोबत होते. त्यांची कार्यपद्धती जगणं वागणं बोलणं वेगळं होतं. हे जगभरातील लोकांसमोर आणण्याचा प्रयत्न केला, त्या बद्दल सर्व टीमचे धन्यवाद. किती कार्यकर्त्यांना सर्व समाजाला जाती पंथांना धर्मातील लोकांना त्यांनी लळा लावला होता. साहेब प्रत्येकामध्ये होते. हिंदूत्वाची साथ घेवून आम्ही हे सरकार स्थापन केले. देशभक्त आणि राष्ट्रभक्त बाळासाहेबांना आणि दिघे सांहेबांना जवळचे होते. ते कधी जात पात पहायचे नाही जो अडचणीत आहे त्याला ते मदत करायचे. याबद्दल मी काही स्पष्टपणे बोलू शकत नाही.

काही लोकं बोलायचे मंदिर नही बनाएंगे तारीख भी नही बताएंगे आता मोदींनी मंदिर बनवले आणि तारीख पण दिली 22 जानेवारी तारीख दिली. सिनेमा येतात जातात, पण अभिनय लक्षात राहतो ते प्रसाद ओकने केलंय. मराठी सिनेमा गुजरात राजस्थानमध्ये बघितला गेला आणि तो हिंदी बनवा अशी मागणी मोठ्या प्रमाणात झाली. पार्ट 2 हा हिंदीत येईल. काहींना सिनेमा खटकला काही लोकं सिनेमा बघता बघता उठून गेले. काही लोकांना काही सीन आवडले नाही. आता कोणाला आवडो न आवडो आता फुल अथोरीटी आपण आहोत. तेव्हा काही गोष्टी इच्छेविरुद्ध कराव्या लागल्या. कलाकारांना सांगावं लागलं काहींना अजीर्ण झालंय. म्हणुन 1 वर्षांपूर्वी मोठी गोळी दिली. मी डॅाक्टर नाही पण मी ॲापरेशन पण केले. कधी कुठे गोळी द्यायची हे दिघे साहेबांनी शिकवलं आहे. काहींनी विचारले होते दिघे साहेबांची संपत्ती कुठे कुठे आहे ते या सेकंड पार्टमध्ये घेतलंय. त्यांचे उर्वरित काम या सिनेमातून येईल. पोलिसांवर फार प्रेम होते दिघे साहेबांचे, त्यांच्या मुलांचे एडमिशन त्यांच्या अडचणी दिघे साहेब जातीने सोडवायचे. दुसऱ्या पार्टमध्ये जे आहे ती वस्तुस्थितीला धरुन आहे. ज्यांनी हिंदूत्वाशी गद्दारी केली, सत्तेसाठी खुर्चीसाठी 2019 मध्ये झाले जे देशाने पाहिले. पार्ट 2 मध्ये साहेबांच्या हिंदूत्वाची गोष्ट म्हणजे दिघे साहेब आणि बाळासाहेबांचे हिंदूत्वाचे विचार असतील. भुमिका हिंदूत्वाची असली तरी त्यांची त्यात राष्ट्रभक्ती होती, अशी प्रतिक्रिया मुख्यमंत्री एकनाथ शिंदे यांनी चित्रपटाच्या शुभारंभ प्रसंगी दिली.