वडापाव अन् बर्गरचं अनोखं कॉम्बिनेशन, दादरमधील युनिक बडापाव स्टेशनची सर्वत्र चर्चा, हे आहे लोकेशन

दादर : दादर म्हटलं की खवय्यांची मज्जाच असते. दादरमध्ये विविध पदार्थ खाण्यासाठी अनेक प्रसिद्ध ठिकाणे आहेत. आज अशाच एका ठिकाणाबाबत आपण जाणून घेणार आहोत. दादरमध्ये चैत्यभूमीच्या अगदी बाजूलाच बडापाव जंक्शन या नावाने विराज सिंघ या तरुणाने फूड स्टॉल सुरू केले आहे. त्याच्या या दुकानात वडापाव आणि बर्गर यांचे कॉम्बिनेशन मिळते. यासोबतच बडापाव जंक्शन याठिकाणी चर्चगेट स्लो बडापाव, विरार फास्ट बडापाव या नावांनी पदार्थ मिळतात. या पदार्थांना दादरकरांची मोठी पसंतीही मिळते आहे.