15 वर्षे जुनी वाहने आता थेट भंगारात, सरकारचा मोठा निर्णय, अंमलबाजवणीचे निर्देश

नवी मुंबई : वाढते प्रदूषण रोखण्यासाठी केंद्र सरकारच्या रस्ते वाहतूक आणि महामार्ग मंत्रालयाने मोठा निर्णय घेतला आहे.  2021 मध्येच घेतलेल्या या निर्णयाची आता थेट अंमलजबावणी करण्यात येणार आहे. त्यानुसार 15 वर्षाहून जास्त जुन्या वाहनांच्या वापरास बंदी घालण्यात आली असून ही वाहने थेट भंगारात काढण्यात येणार आहेत. मोटार वाहन कायद्यातील सुधारणांच्या काटेकोर अंमलबजावणीचे निर्देश आता संबंधित विभागांना देण्यात आले आहेत. त्यामुळे अशा वाहनधारकांना आता कारवाईला सामोरं जावं लागणार आहे.