Tree Top Walk: 'पैसा ही पैसा होगा'! 'ट्री टॉप वॉक'ला पर्यटकांचा उदंड प्रतिसाद, महापालिकेच्या तिजोरीत भर

मुंबई: मुंबईकरांना दररोजच्या धावपळीच्या आयुष्यातून थोडासा निवांतपणा घेता यावा आणि निसर्गाचा आनंद लुटता यावा, यासाठी मुंबई महानगरपालिकेने मलबार हिलच्या उतारावर 'ट्री टॉप वॉक' बांधला आहे. या मार्गाला मुंबईकरांनी प्रचंड प्रतिसाद दिला असून महानगरपालिकेच्या तिजोरीत 50 लाख रुपये महसुलाची भर पडली आहे. मार्च 2025 पासून सुरू झालेल्या या मार्गाला जुलैपर्यंत 1 लाख 96 हजार 190 पर्यटकांनी भेट दिली आहे. ऑगस्टमध्ये ही संख्या दोन लाखांच्याही पार जाण्याची शक्यता मुंबई महापालिका अधिकाऱ्याकडून वर्तवण्यात येत आहे.