नाशिक महापालिकेला दणका! तपोवन परिसरातील वृक्षतोड प्रकरणावर राष्ट्रीय हरित लवादाचा मोठा निर्णय

लक्ष्मण घाटोळ (प्रतिनिधी), नाशिक : तपोवन परिसरातील वृक्षतोड प्रकरणात नाशिक महापालिकेला मोठा धक्का बसला असून, राष्ट्रीय हरित लवादाने (ग्रीन ट्रिब्युनल) या भागातील प्रस्तावित वृक्षतोडीला २० फेब्रुवारीपर्यंत स्थगिती दिली आहे. कायदेशीर प्रक्रिया पूर्ण होईपर्यंत एकही झाड तोडू नये, असे स्पष्ट निर्देश लवादाने दिले आहेत. नुकत्याच झालेल्या सुनावणीत महापालिकेसह संबंधित यंत्रणांना संपूर्ण आणि सविस्तर अहवाल सादर करण्याचे आदेश देण्यात आले असून, पुढील सुनावणीपर्यंत वृक्षतोडीवर तात्पुरती बंदी कायम ठेवण्यात आली आहे.