Manoj Jarange Patil: 'ती' 22 प्रकरणं माझ्या हातात,भयानक मॅटर', मनोज जरांगेंचा धनंजय मुंडेंना थेट इशारा

छत्रपती संभाजीनगर: मराठा आरक्षणासाठी लढा देणारे मनोज जरांगे पाटील आणि राष्ट्रवादीचे नेते आणि माजी मंत्री धनंजय मुंडे यांच्यामध्ये पुन्हा एकदा आरोप प्रत्यारोपाचा सामना रंगला आहे. "धनंजय मुंडे यांचे माझ्याजवळ 22 प्रकरणं आली आहेत, त्यामुळे तुम्ही शहाणे हो. धनंजय मुंडे इथून पुढे तरी माझ्या नादाला लागू नका, तुमची खूप प्रकरण माझ्याकडे आली आहेत'  असं म्हणत मनोज जरांगे पाटील यांनी आता नवीन प्रकरणाचा उल्लेख करत इशाराच दिला आहे.

मी रात्री विखे पाटील साहेब आणि शंभूराजे देसाई साहेब यांच्याशी बोललो. गॅझेटिअरचा जीआर काढलाय तर अधिकारी असं का करत आहेत, सरकार मोठे की अधिकारी मोठे? आज कॅबिनेटमध्ये आम्ही हा विषय घेतो असं ते म्हणाले. त्यामुळे बघू आता नेमकं हे काय करतात.  नसता मला विखे पाटलांच्या आणि सरकारच्या विरोधात जावे लागेल, नाईलाज आहे.  मी फक्त ही शंका व्यक्त केली, मला असं वाटत नाही की तसं आंदोलन करण्याची पुन्हा मराठ्यांवर वेळ येईल, असंही जरांगे म्हणाले.

"फडणवीस, शिंदे साहेबांनी आणि विखे पाटील साहेबांनी मराठ्यांना आरक्षण दिला आहे. त्यामुळे काहींची पोट दुखी सरकार मधील असू शकते पण यांनी गोरगरिबांचा कधीही अवमान करू नये, पुन्हा जर मराठ्यांच्या नादी लागला तर अवघड होईल. माझं प्रामाणिक मत आहे सरकारला तुम्ही जीआर काढला आहे, त्यामुळे आता मराठ्यांना प्रमाणपत्र वाटप करायला हरकत नाही. व्हॅलिडीटी जाणून बुजून देत नाहीत. शिंदे समितीला मुदतवाढ दिली, त्यामुळे शिंदे समिती का नोंदी शोधत नाही या प्रश्नाचे उत्तर आम्हाला द्या की आम्हाला आंदोलन करावे लागेल.  सारथी बद्दलही सांगितलx, अण्णासाहेब विकास आर्थिक महामंडळाबद्दल देखील त्यांना सांगितलं. आम्ही आठ दहा मुद्दे त्यांना सांगितले आहेत, मी या अधिवेशनानंतर ऐकणार नाही, असं स्पष्ट सांगितलेला आहे.  पुन्हा जर मी आंदोलनाच्या भूमिकेत आलो, तर प्रचंड अडचणीत सरकार येईल, असा इशाराही जरांगेंनी