Jogeshwari Junction Relief : जोगेश्वरी स्थानकाबाहेरील वाहतुक कोंडी सुटणार; महापालिकेचा नेमका प्लान काय?

मुंबई : जोगेश्वरीकरांना वाहतूक कोंडी आणि अपघातांपासून मुक्त करण्यासाठी एक मोठा उपाय राबवला जाणार आहे. पश्चिम द्रुतगती महामार्ग आणि जोगेश्वरी-विक्रोळी लिंक रोड (जे.व्ही.एल.आर) जंक्शनवर चारपदरी भुयारी मार्ग बांधण्याचे काम लवकरच सुरू होणार आहे. हा भुयारी मार्ग मेट्रो सिनेमा परिसराच्या धर्तीवर उभारला जाणार असून त्यासाठी आवश्यक प्रशासकीय मान्यता मिळाली आहे. या प्रकल्पासाठी सल्लागार नेमण्याची प्रक्रिया पूर्ण झाली आहे, अशी माहिती मुंबई महानगरपालिकेचे आयुक्त भूषण गगराणी यांनी खासदार रविंद्र वायकर यांना दिली.