महिलांना उद्योग उभारणीसाठी मिळणार १००% अनुदान, कोणते व्यवसाय करता येणार? पात्रता काय?

गडचिरोली: राज्य सरकारने ‘राणी दुर्गावती आदिवासी महिला सक्षमीकरण योजना’त ऐतिहासिक बदल करत महिलांना मोठा दिलासा दिला आहे. या योजनेअंतर्गत आता आदिवासी महिलांना स्वतःचा व्यवसाय उभारण्यासाठी लागणारे संपूर्ण १०० टक्के अनुदान मिळणार आहे. यापूर्वी महिलांना योजनेअंतर्गत १५ टक्के लाभार्थी हिस्सा भरावा लागत होता. मात्र, राज्याच्या आदिवासी विकास विभागाने ७ ऑगस्ट २०२५ रोजी जारी केलेल्या नवीन शासन निर्णयानुसार हा हिस्सा पूर्णपणे रद्द करण्यात आला आहे. त्यामुळे महिलांना आता कोणत्याही आर्थिक ताणाविना स्वतःचा उद्योग सुरू करण्याची संधी उपलब्ध झाली आहे.