Shiv Sena UBT: विजयाचा गुलाल सुकण्यापूर्वीच ठाकरे गटात भूकंप! ४ नगरसेवक 'नॉट रिचेबल', मातोश्रीचे टेन्शन वाढले

कल्याण: कल्याण-डोंबिवली महानगरपालिका निवडणुकीत शिवसेना ठाकरे गटाने फारशी ताकद नसतानाही मिळवलेल्या अनपेक्षित यशामुळे जोरदार चर्चा सुरू झाली. आता सत्तास्थापनेच्या हालचाली सुरू असतानाच ठाकरे गटाचे चार नवनिर्वाचित नगरसेवक 'नॉट रिचेबल' झाल्याने राजकीय वर्तुळात मोठी खळबळ उडाली आहे. विशेष म्हणजे, गटनेता निवडीच्या बैठकीपूर्वीच हे नाट्य घडले असून, पक्षाने या नगरसेवकांच्या दरवाजावर 'व्हिप'ची नोटीस चिकटवली आहे.