BMC Election : बीएमसी निवडणुकीत ठाकरे गट भाकरी फिरवणार, 'या' इच्छुकांचा पत्ता कट? उमेदवारीबाबत मोठी अपडेट

सुमित सावंत, प्रतिनिधी, मुंबई: मुंबई महापालिका निवडणुकीसाठी सगळ्याच राजकीय पक्षांनी हालचाली सुरू केल्या आहेत. रणनीती आखण्यासह उमेदवारांची चाचपणी सुरू करण्यात आली आहे. तर, दुसरीकडे इच्छुकांनी आपल्या उमेदवारीसाठी कंबर कसली आहे. आगामी मुंबई महापालिका निवडणूक ही शिवसेना ठाकरे गटासाठी महत्त्वाची आहे. या निवडणुकीत शिवसेना ठाकरे गट मनसेसोबत युती करण्याची शक्यता आहे. शिवसेनेतील फुटीनंतर मुंबई महापालिकेची निवडणूक ही उद्धव ठाकरे यांच्यासाठी महत्वाची असणार आहे. अशातच ठाकरेंनी आता उमेदवारांबाबत मोठा निर्णय घेतला आहे.