Video: टोल नाक्यावर भीषण अपघात, ट्रक चालक दारूच्या नशेत, रिक्षा-बाईकला धडक

संबंधित ट्रक उमरखेडहून महागावकडे येत असताना चालकाचे वाहनावरील ( एम एच ३५ आर जे १८४३) नियंत्रण सुटले. नशेत असल्याने त्याने समोरून येणाऱ्या ऑटो आणि मोटरसायकलला जोरदार धडक दिली . धडकेची तीव्रता इतकी होती की वाहनांचे मोठे नुकसान झाले असून प्रवासी गंभीर जखमी झाले.

अपघाताची माहिती मिळताच परिसरातील नागरिकांनी तात्काळ घटनास्थळी धाव घेत मदतकार्य सुरू केले. जखमींना तातडीने उमरखेड येथील खाजगी रुग्णालयात दाखल करण्यात आले. काही जखमींची प्रकृती गंभीर असल्याची प्राथमिक माहिती आहे.

[video width="848" height="506" mp4="https://images.news18.com/news18marathi/uploads/2026/03/WhatsApp-Video-2026-03-18-at-4.38.58-PM-2026-03-b98fb30d525a034f4780c9a428a0cf70.mp4"][/video]

दरम्यान, या अपघातामुळे काही काळ मार्गावरील वाहतूक विस्कळीत झाली होती. स्थानिक नागरिक आणि पोलिसांच्या मदतीने वाहतूक पुन्हा सुरळीत करण्यात आली. पोलिसांकडून गुन्हा दाखल करण्याचे काम सुरू असून आरोपीला ताब्यात घेण्यात आले आहे.