बुलाती है मगर..जाने का नही! महिलेनं घरी बोलवलं अन्.., डोंबिवलीत ज्वेलर्स मालकासोबत घडलं नको तेच

डोंबिवली: डोंबिवली शहरातून एक अत्यंत धक्कादायक घटना समोर आली आहे. इथं एका महिलेनं एका सराफा व्यावसायिकाला घरी बोलवून नको तेच कृत्य केलं आहे. आरोपी महिलेनं दागिन्यांची ऑर्डर देण्याच्या बहाण्याने एका ज्वेलर्सला घरात बोलावून घेतलं होतं. यानंतर आरोपींनी ज्वेलर्सला ओलीस ठेवून त्याच्याकडील लाखो रुपयांचे दागिने आणि रोख रक्कम लुटून नेली आहे. ही थरारक घटना डोंबिवली पूर्वेतील आजदेगाव येथील जय मल्हार इमारतीच्या पाचव्या मजल्यावर २० नोव्हेंबर रोजी दुपारी घडली. या घटनेमुळे परिसरात खळबळ उडाली असून नागरिकांमध्ये भीतीचे वातावरण निर्माण झाले आहे.