'तू आणि तुझ्या मैत्रिणीसोबत एकत्र संबंध ठेवायचेत', वर्ध्यात राजकीय नेत्याकडून कॉलेज तरुणीचं लैंगिक शोषण

नरेंद्र मते, प्रतिनिधी वर्धा: वर्धा जिल्ह्यातील पुलगाव पोलीस ठाण्याच्या हद्दीत एक धक्कादायक प्रकार उघडकीस आला आहे. इथं एका राजकीय नेत्याने २१ वर्षीय तरुणीचं लैंगिक शोषण केलं आहे. नोकरीचं आमिष दाखवून आणि शिक्षणात मदत करण्याच्या बहाण्याने संबंधित राजकीय नेता सातत्याने अश्लील मेसेज करत होता, अभद्र बोलत होता, असा आरोप तरुणीने केला आहे. मागील पाच वर्षांपासून सातत्याने हा प्रकार सुरू होता, असंही तरुणीने तक्रारीत म्हटलं आहे. ज्यावेळी हा प्रकार सुरू झाला, तेव्हा पीडित तरुणी १७ वर्षांची होती, त्यामुळे पुलगाव पोलीस ठाण्यात पोक्सो कायद्यासह विविध कलमांतर्गत गुन्हा दाखल करण्यात आला आहे.