मुंबईकरांनो, पाणी जपून वापरा! उन्हाळ्याच्या तोंडावर पाणी बंद, कधी आणि कुठं?

मुंबई: उष्ण आणि दमट हवामानामुळे हैराण मुंबईकरांसाठी महत्त्वाची बातमी आहे. उन्हाळ्याच्या तोंडावरच पाण्याचा जपून वापर करावा लागेल. गोरेगाव (पूर्व) येथील दादासाहेब फाळके चित्रनगरी मार्गावर उड्डाणपुलाचा पोहोच रस्ता भागातील 750 मिलीमीटर व्यासाच्या जलवाहिनीच्या छेद जोडणीचे काम हाती घेण्यात आले आहे. आज, 10 मार्च रोजी सकाळी 9 ते बुधवारी, 11 मार्च रोजी सकाळी 9 दरम्यान हे काम करण्यात येणार आहे. त्यामुळे या काळात 'पी पूर्व' आणि 'पी दक्षिण' विभागातील काही भागात पाणीपुरवठा पूर्ण बंद, तर काही भागात अंशत: बंद राहील.