आता वर्ध्याचा सोप्पा पॅटर्न, विद्यार्थ्यांसाठी असा हा अनोखा प्रयोग

वर्धा, 5 ऑगस्ट: असं म्हणतात की विद्यार्थ्यांना कोणतीही गोष्ट सोप्या पद्धतीने सांगायची असेल तर त्यांना चित्र किंवा काही वस्तू दाखवाव्यात. जेणेकरून ते त्याला न वाचता देखील समजू शकतील आणि त्याचा अभ्यास करू शकतील. याच कल्पनेला लक्षात ठेवून वर्धा डायट म्हणजेच जिल्हा शिक्षण व प्रशिक्षण केंद्राच्या वतीने विशेष कक्षांची निर्मिती केली जात आहे. ज्यात शिक्षणाची पद्धत इंटरेस्टिंग आणि आनंददायी करण्याचे उद्देशाने इतिहास, भूगोल व कला कक्ष स्थापन करण्यात आला आहे. या कक्षांच्या माध्यमातून विविध मॉडेल्सच्या सहाय्याने विद्यार्थ्यांना शिक्षणात मोलाची मदत होणार आहे.