Yavatmal News : मनोरुग्णांना आधार देणारी संस्था, नवरा-बायकोने घालून दिला समाजसेवेचा अनोखा आदर्श

संदीप शिंदे आणि त्यांच्या पत्नी नंदिनी तसेच त्यांच्या सहकाऱ्यांनी स्थापन केलेल्या नंददीप फाऊंडेशनच्या यवतमाळमधील निवारा केंद्रामुळे शेकडो मनोरुग्णांना दिलासा मिळाला आहे. काही रुग्ण बरे होऊन घरी गेले तर काहीना वेगवेगळ्या संस्थांमध्ये सोडण्याचे काम संस्थेने केलेय. संस्थेने मनोरुग्णांना केवळ अन्न वस्त्र निवाराच दिला नाही तर आता त्याच्या पुनर्वसनाचे काम सुरू केले आहे. त्यांच्यातील हस्तकौशल्य विकसित केली आहे. कुटुंबाचा आधार तुटलेल्या मनोरुग्णांना त्याची हरवलेली ओळख पुन्हा मिळहून देण्याचे आणि त्यांना स्वतःच्या पायावर उभे करण्याचे हे कार्य सध्या दांनशुराच्या बळावर चालू आहे. अशाप्रकारे मनोरुग्णां करीता काम करणाऱ्या नंदादीप फाऊंडेशनचं कार्य कौतुकास्पद आहे.

केविलवाण्या अवस्थेत रस्तोरस्ती भटकणाऱ्या मनोरुग्णांच्या काळोख्या आयुष्यात उजेडाचे काही कवडसे निर्माण करण्यासाठी झटणारी नंददीप फाऊंडेशन मनोरुग्णासाठी कायमस्वरूपी निवारा उभारण्याबरोबरच उपचार आणि समुपदेशन केंद्र स्वयंरोजगार लघुउद्योग केंद्र असे उपक्रम सुरू करणार आहे. त्यासाठी संस्थेला पाठबळाची आवश्यकता असल्याचं सांगितलं जातं.