Lonar Lake: बुलढाण्यातील जिओ हेरिटेज साइट धोक्यात! जबाबदार कोण, माणूस की निसर्ग?

बुलढाणा: बुलढाणा जिल्ह्यातील लोणार सरोवर हे जगप्रसिद्ध आहे. 'युनेस्को'नं या सरोवराला 'जिओ हेरिटेज साइट' म्हणून मान्यता दिलेली आहे. मात्र, हे ठिकाण सध्या संकटात असल्याची चिन्हं दिसत आहेत. सरोवरातील पाण्याच्या पातळीत लक्षणीय वाढ झाली असून सरोवर परिसरातील अनेक पुरातन मंदिरं पाण्याखाली गेली आहेत. शिवाय, वाढलेल्या पाणी पातळीमुळे जैवविविधता देखील धोक्यात आली आहे. अभयारण्यातील वन्यप्राणी बाहेर पडत असून मानव आणि वन्यजीव संघर्ष उद्भवण्याची देखील शक्यता निर्माण झाली आहे. त्यामुळे अनेक अभ्यासकांनी चिंता व्यक्त केली आहे.