Trending:

आता सरकारकडून तुम्हालाही दरमहा मिळणार ३,००० रु, त्यासाठी पात्रता काय? अर्ज कुठे कराल?

Published by:Ajit Bhabad

Last Updated:Apr 08, 2026 10:13 AM IST

PM-SYM Yojana : देशभरात आजही मोठ्या प्रमाणावर असंघटित क्षेत्रात काम करणाऱ्या नागरिकांकडे स्थिर नोकरी नाही. त्यामुळे वृद्धापकाळात आर्थिक असुरक्षितता जाणवते.

इम्पॅक्ट शॉटतुमचा गेटवे लेटेस्ट न्यूज

Translate

मुंबई : देशभरात आजही मोठ्या प्रमाणावर असंघटित क्षेत्रात काम करणाऱ्या नागरिकांकडे स्थिर नोकरी नाही. त्यामुळे वृद्धापकाळात आर्थिक असुरक्षितता जाणवते. ही समस्या लक्षात घेऊन केंद्र सरकारने प्रधानमंत्री श्रम योगी मान-धन योजना सुरू केली आहे. या योजनेअंतर्गत ६० वर्षांनंतर दरमहा ३,००० रुपयांचे निश्चित पेन्शन मिळते.

योजनेचा उद्देश काय?

असंघटित क्षेत्रातील कामगारांना वृद्धापकाळात आर्थिक आधार मिळावा, हा या योजनेचा मुख्य उद्देश आहे. नियमित उत्पन्न नसलेल्या कामगारांसाठी ही योजना सुरक्षित भविष्याची हमी देते.

किती पेन्शन मिळते?

या योजनेत सहभागी झालेल्या लाभार्थ्यांना वयाच्या ६० वर्षांनंतर दरमहा ३,००० रुपये पेन्शन दिले जाते. यासाठी लाभार्थ्यांनी त्यांच्या वयानुसार दरमहा काही रक्कम भरावी लागते. उदाहरणार्थ, १८ ते ४० वर्षे वयोगटातील व्यक्ती या योजनेत सहभागी होऊ शकतात.

पात्रता अटी काय आहेत?

या योजनेचा लाभ घेण्यासाठी काही अटी निश्चित करण्यात आल्या आहेत जसे की, वय १८ ते ४० वर्षे दरम्यान असावे. मासिक उत्पन्न १५,००० रुपयांपर्यंत असावे. Employees' Provident Fund Organisation (EPFO) किंवा Employees' State Insurance Corporation (ESIC) चे सदस्य नसावे.

कोण घेऊ शकतो लाभ?

ही योजना विशेषतः असंघटित क्षेत्रातील कामगारांसाठी आहे. यामध्ये पथविक्रेते, रिक्षाचालक, घरगुती कामगार, शेतमजूर, बांधकाम कामगार, मेकॅनिक, कचरा वेचणारे, हातमाग कामगार, चामड्याचे काम करणारे आणि विडी कामगार यांचा समावेश होतो.

आवश्यक कागदपत्रे

योजनेसाठी अर्ज करताना खालील कागदपत्रांची आवश्यकता असते. जसे की, आधार कार्ड

बचत बँक खात्याचे पासबुक, ऑटो-डेबिटसाठी संमतीपत्र

अर्ज प्रक्रिया कशी आहे?

या योजनेसाठी अर्ज करण्यासाठी जवळच्या Common Service Center (CSC) केंद्राला भेट देता येते. तसेच Life Insurance Corporation of India (LIC), EPFO किंवा ESIC कार्यालयांमार्फतही नोंदणी करता येते.

सुरक्षित भविष्याची हमी

प्रधानमंत्री श्रम योगी मान-धन योजना ही असंघटित क्षेत्रातील कामगारांसाठी मोठा दिलासा ठरत आहे. नियमित थोडी बचत करून भविष्यात निश्चित पेन्शन मिळवण्याची ही एक प्रभावी संधी आहे.

view comments