8व्या वेतन आयोगाच्या हालचालींना वेग, पगारवाढीचा सस्पेन्स संपणार; किती होणार सॅलरी? एक्सपर्टनी सांगितले नवे कॅल्क्युलेशन

तज्ज्ञांच्या मते 8व्या वेतन आयोगानुसार पगारात सुमारे 20 ते 35 टक्क्यांपर्यंत वाढ होण्याची शक्यता आहे. फिटमेंट फॅक्टर 2.4 ते 3.0 दरम्यान राहू शकतो.

सध्या अर्थ मंत्रालयाने एक ऑनलाइन पोर्टल सुरू केले असून त्याद्वारे कर्मचारी, निवृत्त कर्मचारी, कर्मचारी संघटना आणि इतर संबंधित घटकांकडून सूचना मागवण्यात येत आहेत. या सूचना देण्यासाठीची मुदत 30 एप्रिल 2026 पर्यंत खुली राहणार आहे. नोव्हेंबर 2025 मध्ये अधिकृत अधिसूचना जारी झाल्यानंतर आयोगाला आपला अंतिम अहवाल आणि शिफारशी सादर करण्यासाठी 18 महिन्यांचा कालावधी देण्यात आला आहे.

भारतामध्ये वेतन सुधारण्याचा मोठा इतिहास आहे. यापूर्वी 2016 मध्ये सातव्या वेतन आयोग लागू करण्यात आला होता. या आयोगानुसार केंद्र सरकारच्या कर्मचाऱ्यांचा किमान मूलभूत पगार 18,000 रुपये करण्यात आला होता, तर कमाल मूलभूत पगार 2.5 लाख रुपये प्रति महिना निश्चित करण्यात आला होता. सध्या अधिक फिटमेंट फॅक्टर लागू करून किमान वेतन वाढवण्याबाबत चर्चा सुरू आहे. मात्र अंतिम आर्थिक बदल सरकारने आयोगाचा अंतिम अहवाल मंजूर केल्यानंतरच लागू केले जातील.

8वा वेतन आयोग लागू झाल्यानंतर 1 जानेवारी 2026 पासून एरिअर मिळण्याची शक्यता व्यक्त केली जात आहे. जरी सरकारला अंतिम शिफारशी मंजूर करण्यासाठी वेळ लागला तरी एरिअरची गणना त्या तारखेपासून होऊ शकते. GenZCFO चे संस्थापक सीए मनीष मिश्रा यांच्या मते, एरिअरची गणना 1 जानेवारी 2026 पासून केली जाऊ शकते. हीच तारीख 7व्या वेतन आयोगाचा कालावधी संपण्याची अंतिम तारीख म्हणून निश्चित करण्यात आली आहे. त्यामुळे प्रत्यक्ष पैसे नंतर मिळाले तरी गणना या तारखेपासून होण्याची शक्यता आहे.