दुष्काळाच्या झळा! पाण्याविना ज्वारी कोमेजली, उत्पन्न घेणारा शेतकरी अडचणीत, पाहा Video

सध्या ज्वारीचे पीक सध्या हुरड्याच्या अवस्थेत आहे म्हणजेच दाणे भरण्याच्या अवस्थेत आहे. मात्र मराठवाड्यात यावर्षी खरीप हंगामात अत्यल्प प्रमाणात पाऊस पडलाय. त्यामुळे धाराशिव जिल्ह्यातही खरीप हंगामात नद्या, विहिरी कोरड्या ठाक होत्या आणि याचाच परिणाम आता ज्वारीच्या उत्पादनावरती झालाय. सध्या ज्वारीचे पीक कणसातील दाणे भरण्याच्या अवस्थेत आहे. परंतु विहिरींना, नद्यांना आणि तलावांना पाणी नाही. त्यामुळे शेतकऱ्यांना ज्वारीला पाणी देता येत नाही किंबहुना दुष्काळाचा फटका थेट ज्वारीच्या उत्पादनावरती झालाय.

खरीप हंगामातील पिके ही शेतकऱ्यांना आर्थिक उत्पन्न मिळून देतात. परंतु यावर्षी अत्यल्प पावसाने खरीप हंगामालाही फटका बसला तर रब्बी हंगामात घेतले जाणाऱ्या गहू, ज्वारी, हरभरा या पिकांना देखील दुष्काळाचा मोठा फटका बसलाय. उन्हाची धग वाढलीय जमिनीत ओलावा नाही त्यातच पिकांना देण्यासाठी पाणी नाही. त्यामुळे एकूणच ज्वारीच्या उत्पन्नात मोठी घट होण्याची शक्यताय.

10 एकर ज्वारी पेरणी केली परंतु काहीच होण्याची देखील शक्यता नाही. 10 एकर ज्वारी करण्यासाठी झालेला खर्च देखील निघतो का नाही? हा प्रश्न माझ्यासमोर आहे. यावर्षीचा दुष्काळामुळे ज्वारीच्या उत्पन्नात घट झाली आहे. त्यामुळे ज्वारीला 100 रुपये किलोचा भाव प्रशासनाने द्यावा अशी मागणी, ज्वारी उत्पादक शेतकरी दत्तात्रय गायकवाड यांनी केली आहे.