agriculture news : फायद्याची आहे ही शेती, शेतकऱ्याने फक्त दोनच महिन्यात कमावले लाखो रुपये

फर्रुखाबाद : अनेकांना वाटते शेती हा तोट्याचा व्यवसाय आहे. त्यामुळे अनेक जण शेती करायला धजावत नाहीत. मात्र, कोणत्याही पिकाची शेती करा, जर योग्य पद्धतीने केली तर चांगला फायदा होतो, हे एका शेतकऱ्याने सिद्ध करुन दाखवले आहे. महेंद्र सिंह असे या शेतकऱ्याचे नाव आहे. त्यांनी फक्त दोन महिन्यात लाखो रुपये कमावले आहेत. त्यांनी नेमकी कोणत्या पिकाची शेती केली, कशा पद्धतीने केली, हे जाणून घेऊयात.

महेंद्र सिंह हे उत्तरप्रदेशातील फर्रुखाबादच्या याकूतगंज गावातील रहिवासी आहेत. फर्रुखाबादमध्ये कमी जमीन असलेल्या अनेक शेतकऱ्यांनी आपल्या शेतात झेंडूच्या फुलांची लागवड करण्यास सुरुवात केली आहे. त्यामुळे शेतकरीही श्रीमंत होत आहेत. कमी खर्च आणि जास्त नफा यामुळे फुलशेतीकडे शेतकऱ्यांचा कल वाढला आहे.

महेंद्र सिंह हे मागील तीन वर्षांपासून आपल्या शेतात झेंडूच्या फुलांची शेती करत आहेत. या शेतीच्या माध्यमातून ते दोन ते तीन महिन्यात एक ते दीड लाख रुपये कमावत आहेत. सणांच्या पार्श्वभूमीवर त्यांचा व्यवसाय तेजीत असते. याबाबत बोलताना त्यांनी सांगितले की, पारंपारिक गहू आणि धान सोडून इतर फुलांची लागवड सुरू केली. पूर्वी पारंपारिक पिके घेण्यासाठी अनेक अडचणींचा सामना करावा लागत होता. हे पीक घेण्यासाठी पाच ते दहा हजार रुपये खर्च येतो. आजच्या काळात फुलांशी संबंधित शेतकरी दरमहा 500 ते 70 हजार रुपयांचा नफा कमावत आहेत. त्यामुळे त्यांच्यापासून प्रेरणा घेऊन अनेक शेतकरी आता या दिशेने शेती करण्यासाठी पुढे सरसावले आहेत.