अबब! 3 आलिशान ऑडी कार विकत घेता येतील एवढी रेड्याची किंमत; दररोजचा खर्च पाहून व्हाल चकित

कर्नाटक राज्यातील बेळगाव जिल्ह्यातील कागवाड तालुक्यातील मंगसुळी या गावचा हा रेडा आहे. या रेड्याचे मालक ज्ञानदेव नाईक आहेत. मुऱ्हा जातीचा असलेला हा रेडा घरच्या म्हशीची पैदास आहे. हिंदकेसरी गजेंद्रला दररोज 15 लिटर दूध, दोन ते तीन किलो सफरचंद, तीन किलो आटा आणि हिरवा चारा आहार म्हणून दिले जातो. या गजेंद्रचा एका दिवसाचा नुसता चाऱ्याचा खर्च हा दोन हजार रुपयांहून अधिक आहे, असं रेड्याचे मालक ज्ञानदेव नाईक यांनी सांगितलं.

या रेड्यापासून चांगलं उत्पन्न मिळत असल्याने त्याचा खर्चही परवडतो. घरी आणखी 50 ते 60 म्हशी आहेत. याला दीड कोटी रुपये बोली लागली. परंतु पैशाचं काय करायचं शेवटी या रेड्याने आम्हाला नाव दिलेय, या रेड्याने आमचे नाव जगभर पसरवले, त्यामुळे हा रेडा आमच्यासाठी सर्वस्व आहेत. त्यामुळे दीड कोटी रुपयांचा रेडा आम्ही दावणीला सांभाळतो. बोली लागूनही हा रेडा विक्री केला नसल्याचे ज्ञानदेव नाईक यांनी सांगितलं.