Gold Price Today: आठवड्याच्या सुरुवातीलाच सोनं स्वस्त-चांदीचे दरही घसरले, लगेच चेक करा आजचे दर

घरच्या लेकीचं लग्न असो किंवा कष्टाच्या पैशातून केलेली छोटीशी गुंतवणूक; भारतीय कुटुंबासाठी सोनं हा फक्त धातू नाही, तर तो एक भरवसा असतो, अडीनडीच्या काळातली गुंतवणूक असते. गेल्या काही दिवसांत सोन्या-चांदीच्या भाववाढीने सर्वसामान्यांच्या या स्वप्नांना अक्षरशः वेढून टाकलं होतं. लग्नाबस्त्याची तयारी करणाऱ्या बापाच्या काळजाचा ठोका चुकला होता, तर गुंतवणूकदारांमध्येही अस्वस्थता होती. आता गुंतवणूकदारांचं मोठं नुकसान झालं आहे. तर ज्यांना दागिने खरेदी करायचे त्यांच्या चेहऱ्यावर आनंद दिसत आहे.