म्हणे, IT मध्ये काम करणाऱ्यांना असतो भरपूर पगार, मग CEO किती घेतात? या कंपनीचा सीईओ सगळ्यात श्रीमंत

आर्थिक वर्ष 2024-25 दरम्यान त्यांना एकूण रुपये 94.6 कोटींचं पॅकेज मिळालं आहे. हे पॅकेज तब्बल 10 दशलक्ष डॉलर्सपेक्षा अधिक आहे, ज्यामुळे ते भारतात सर्वाधिक मानधन घेणाऱ्या आयटी प्रमुखांच्या यादीत अग्रेसर आहेत. एका वृत्तपत्राने दिलेल्या माहितीनुसार विजयकुमार 15.8 कोटी रुपये बेसिक सॅलरी घेतात. तर परफॉर्मन्स बोनस 13.9 कोटी रुपये घेतात. 56.9 कोटींचे लॉन्ग-टर्म स्टॉक (RSU) आणि रुपये 1.7 कोटींचा इतर बोनस मिळाला आहे.

सी. विजयकुमार यांनी 1994 मध्ये एचसीएल कॉमनेटमध्ये (HCL Comnet) एक वरिष्ठ अभियंता म्हणून करिअरला सुरुवात केली. ही कंपनी एचसीएल टेकची पूर्ण मालकीची सहाय्यक कंपनी होती. त्यांचा रिमोट इन्फ्रास्ट्रक्चर मॅनेजमेंट मॉडेल स्थापन करण्यात मोठा वाटा होता. कंपनीच्या प्राथमिक टप्प्यातून सुरुवात करून ते सतत पुढे जात राहिले आणि शेवटी CEO पदापर्यंत पोहोचले.