HDFC बँकेतून तिघा बड्या अधिकाऱ्यांची हकालपट्टी, नागपूर कनेक्शन ते दुबई शाखा; संपूर्ण प्रकरणाची Inside story, करोडोची फसवणूक कशी झाली?
- Published by:Jaykrishna Nair
Last Updated:
HDFC बँकेत AT-1 बाँड्सच्या mis-selling प्रकरणामुळे तीन वरिष्ठ अधिकाऱ्यांना बाहेरचा रस्ता दाखवण्यात आला आहे. या वादानंतर बँकेच्या शेअर्समध्ये घसरण होत असून गुंतवणूकदारांमध्ये चिंता वाढली आहे.
मुंबई: HDFC बँकेने Credit Suisse च्या Additional Tier 1 (AT-1) बाँड्सच्या कथित चुकीच्या विक्रीप्रकरणी (mis-selling) सहभागी असल्याच्या आरोपांमुळे आपल्या तीन वरिष्ठ अधिकाऱ्यांना कंपनी सोडण्यास सांगितले आहे, अशी माहिती सूत्रांनी Moneycontrol ला दिली आहे.
सूत्रांच्या माहितीनुसार बँकेने संपत कुमार (ग्रुप हेड, ब्रांच बँकिंग), हर्ष गुप्ता (एक्झिक्युटिव्ह व्हाइस प्रेसिडेंट – मिडल ईस्ट, आफ्रिका आणि NRI ऑनशोर बिझनेस) आणि पायल मंध्यान (सीनियर व्हाइस प्रेसिडेंट) यांची सेवा समाप्त केली आहे. या प्रकरणातील चौकशी सुरू असतानाच हा निर्णय घेण्यात आला आहे.
या तिघांना नेमके कधी पद सोडण्यास सांगितले गेले, याबाबत अद्याप स्पष्टता नाही. Moneycontrol च्या प्रश्नांना HDFC बँकेने कोणतेही उत्तर दिलेले नाही. तसेच या तिन्ही अधिकाऱ्यांशी LinkedIn द्वारे संपर्क साधण्याचा प्रयत्न करण्यात आला. मात्र ही बातमी प्रसिद्ध करेपर्यंत त्यांचा प्रतिसाद आला नाही.
advertisement
ही घटना बँकेचे अंशकालीन अध्यक्ष अतनू चक्रवर्ती यांनी मूल्य आणि नैतिकतेतील मतभेदांमुळे अचानक राजीनामा दिल्यानंतर अवघ्या दोन दिवसांत समोर आली आहे.
HDFC बँक सध्या आपल्या दुबई शाखेमार्फत उच्च जोखमीचे AT-1 बाँड्स चुकीच्या पद्धतीने विकले गेल्याच्या आरोपांची चौकशी करत आहे. एका तक्रारीनुसार बँकेने हे उच्च परतावा देणारे बाँड्स ‘सुरक्षित गुंतवणूक’ (safe-haven) म्हणून किरकोळ गुंतवणूकदारांना विकले.
advertisement
Credit Suisse दिवाळखोरीत गेल्यानंतर आणि UBS ने त्याचा ताबा घेतल्यानंतर हे बाँड्स पूर्णपणे राइट-ऑफ करण्यात आले. दुबई फायनान्शियल सर्व्हिसेस अथॉरिटी (DFSA) ने या प्रकरणात गंभीर त्रुटी आढळल्याने HDFC बँकेला नवीन ग्राहक जोडण्यास बंदी घातली आहे.
Moneycontrol च्या जुलै महिन्यातील अहवालानुसार एका उच्च नेटवर्थ व्यक्तीने नागपूर येथील आर्थिक गुन्हे शाखेकडे (EoW) तक्रार दाखल केली होती. ज्यात HDFC चे चार अधिकारी आरोपी म्हणून नमूद होते. Bloomberg च्या ऑक्टोबरमधील अहवालानुसार या प्रकरणाच्या चौकशीदरम्यान बँकेने दोन अधिकाऱ्यांना ‘गार्डनिंग लीव्ह’ वर पाठवले होते.
advertisement
दरम्यान अतनू चक्रवर्ती यांच्या राजीनाम्यानंतर सलग दुसऱ्या दिवशी HDFC बँकेच्या शेअरमध्ये घसरण झाली. शेअर 2.2 टक्क्यांनी घसरून 781 रुपयांवर बंद झाला. गेल्या दोन दिवसांत या शेअरमध्ये सुमारे 7 टक्क्यांची घसरण झाली आहे.
Location :
Mumbai,Maharashtra
First Published :
Mar 20, 2026 10:01 PM IST
मराठी बातम्या/मनी/
HDFC बँकेतून तिघा बड्या अधिकाऱ्यांची हकालपट्टी, नागपूर कनेक्शन ते दुबई शाखा; संपूर्ण प्रकरणाची Inside story, करोडोची फसवणूक कशी झाली?
